Da Dany aus Pfarrkircha (www.mantadany.de) hod so wias ausschaud oans vo de Filmautos kaffd. Und zwar den Opel Olympia Rekord '55.
Des Auto is zum seng bei der Szene am Bahnübergang wo da Sir mit´n Bus fahrt. Da Vorbesitzer, der des Auto a im Film gfahrn hod, is leider vor 2 Jahr gstorbn, aber als Beweis hod a den Fahrtenbucheintrag vom 7.4.1986. Des Fahrtenbiachl is von 1964 weg fein säuberlich gführt wordn. Und de Nummernschuidl von der Zeit sand a no do.
Sauber Dany, do host a scheens Stückl IuS-Kult ghoid.
